آذربايجان خالقينين 20-جی عصرده اوزله‌شديگي دَهشتلي فاجيعه‌لردن بيري اينسانليق تاريخينه دوشموش، خوجالي سوي‌قیريمي‌دير.
1992-جي ايل فئورالين 25-دن 26-آ کئچن گئجه ائرمنيستان سيلاحلي قوه‌لري، آذربايجانين داغليق قاراباغ تورپاقلارینداکي ائرمني سيلاحلي دسته‌لري، کئچميش سوویئت‌لر بیرلیگی‌نین خان‌کندينده يئرلشن نیظامی دسته‌لرینین ايشتيراکي ايله خان‌کندي ايله عسگران آراسيندا يئرلشن خوجالي شهريني ضبط ائده‌رک، آذربايجان میللتینه قارشي سوي‌قيريم سياستيني حياتا کئچيرميشدير.
خوجالي‌نين ايشغالي زاماني بير گئجه‌ده دينج و سیلاح‌سیز اهالي‌دن 613 نفر، او جومله‌دن 83 اوشاق، 106 قادين، 70 قوجا خوصوصي آمانسيزليق‌لا، ايشگنجه‌لرله اؤلدورولموش، اينسانلارين باشلاري کسيلميش، گؤزلري چيخاريلميش، حاميله قادينلارين قارينلاري سونگو ايله دئشيک-دئشيک ائديلميشدير.
شهر اهاليسي‌نين بير حيصه‌سي زوراکيليق‌دان قاچيب قورتارماق ايسترکن اولجه‌دن دوزلديلميش پوسقولاردا (تله) قتله يئتيريلميشدير. روسييانين «مئموريال» حوقوق-مودافيعه مرکزي‌نين معلوماتينا اساسن، دؤرد گون عرضينده آغداما خوجاليدا قتله يئتيريلميش 200 آذربايجانلي‌نين اؤلوسو گتيريلميش، اونلارلا اؤلونون تحقيره معروض قالماسي گئرچه‌یی آشکار ائديلميشدير. آغدام‌دا 181 اؤلو (130 کيشي و 51 قادين، او جومله دن 13 اوشاق) محکمه-طیبي ائکسپئرتيزاسيندان (پزشکی قانونی) کئچيريلميشدير. ائکسپئرتيزا زاماني معين ائديلميشدير کي، 151 نفرين اؤلومونه گوللـه يارالاري، 20 نفرين اؤلومونه قلپه يارالاري سبب اولموش، 10 نفر کوت آلتله وورولاراق اؤلدورولموشدور. حوقوق-مودافيعه مرکزي ديري آدام‌لارين باش دريسي‌نين سويولماسي فاکتيني دا قئيده آلميشدير.
خوجالي سوي‌قيريمي شاهيدلري‌نين ايفاده‌لريندن:
عبدولحوسئين اوغلو، جامال حئيدروف: «قاراقايا دئييلن يئرين ياخينليغينداکي فئرمانين (مزرعه‌نین) 2 کيلومئترليگينده دهشت‌لی حالا سالينميش چوخلو آذربايجانلي اؤلوسو وار ايدي. قتله يئتيريلميش اوشاقلارين سينه‌سيني ياريب اورک‌لريني پارچالاميش، اکثر اؤلولري ايسه تيکه-تيکه دوغراميشديلار.»
زولفوقار اوغلو، شاهين حئيدروف، خوجالی ياخينليغيندا 80-ه ياخين اؤلو گؤروب. اؤلولر قورخولو وضعيته سالينميش، باشلاري کسيلميشدير.
هومبت‌علي اوغلو، جليل هومبتوف- ائرمنيلر اونون گؤزو قارشيسيندا حيات يولداشي فیروزه، اوغلو موغان، قيزي سيموزر و گليني سودابه‌ني گوللـه‌ميشلر.
توکل قيزي، خزَنگول اميرووا- خوجالي ايشغال اولونان زامان ائرمني سيلاحلي‌لاري اونون عايله‌سيني بوتونلوکله گيروو گؤتورموشدور. ائرمنيلر خزنگولون آناسي راياني، 7 ياشلي باجيسي يئگانه‌ني و خالاسي گؤيجه‌ني گولـله‌ييب، آتاسينی ايسه بئنزين تؤکه‌رک يانديرميشلار.
علي قيزي، زويا علي‌يئوا- 150 نفره قدر آداملا 3 گون مئشه‌ده قاليب. مئشه‌ده زويانين يانيندا دونيا احمدووا و اونون باجيسي گولخار دوناراق اؤلموشدور.
اليش قيزي، کوبرا موصطافايئوا: «ائرمنيلر بيزي گيروو گؤتورن کيمي يانيمداکي آلتي نفري يئريندجه گوللـه ميشلر.»
قوربان قيزي، سعيده کريمووا: «12نفرله بيرليکده گيروو گؤتورولدوک. ائرمنيلر قيزيم نزاکتي، تاپديغي، سعادتي، ايراده‌ني ايشگنجه ايله اؤلدورموشلر.»
آغامي اوغلو، علي نجفوف:«ائرمنيلر قاچان آدام‌لاري موحاصيره‌يه آلاراق 30-40 نفري يئرينده‌جه گوللـه‌ميشلر.»
بو یازی human.gov.az سایتیندان گؤتورولموش و ای یو تی اؤیرنجی طرفیندن کؤچورولوب، اؤزتلشدیریلمیش‌دیر.
1 yorum:
Bu qan yerdə qalmaz
Yorum Gönder