 |
| اورمو گؤلونده اکولوژي فلاکت |
بير نئچه ايلدير کي، ايران-ين قوزئی-باتیسیندا ، جنوبي آذربايجان اراضيسينده يئرلشن اورمو گؤلو قوروماق تهلوکه سي ياشايير. آرتيق گؤلون سويونون 3/1 حيصه سي قوروياراق مينلرله هئکتار اراضي دوزلاغا چئوريليب. دونيانين ايکينجي بؤيوک دوزلو گؤلو و ايران-ين ان بؤيوک داخيلي سو حوزه سي اولان اورمو گؤلونون قوروماسي ايران، آذربايجان، ائرمنيستان، تورکييه و عراق-ين اکوسيستمينه منفي تاثير گؤستره بيلر. گؤلون اراضيسي نين دوزلاغا چئوريلمه سي و اونون تدريجن گئنيشلنمه سي بؤلگه ده بير طبيعي فلاکتين باشلانغيجيدير. "اؤيرنجي" سايتي نين نويابرين 6-دا يايديغي ماتئريالدا بيلديريلير کي، بو سيياست "آرارات چؤللري نين" يئنيدن برپا اولونماسي مقصدي ايله آپاريلير. قئيد ائدک کي، نويابرين 4-ده ايران پارلامئنتينده ده بو مثله يئنيدن قالديريليب. پارلامئنتين عوضوو "سيد سلمان ذاکري" اؤلکه رهبرليگينه موراجيعت ائده رک اکولوژي فلاکتين حددي نين يوکسک اولماسيندان دانيشيب. ذاکري، موضوع ايله باغلي 203 ميلت وکيلي نين ايمضاسي ايله علاقه دار اورقانلارا موراجيعت عنوانلانديغيني دا خاطيرلاديب.
خاطيرلاداق کي، اورمو گؤلونده 102 آدا موجوددور. اونلار يونسکو طرفيندن دونيانين طبيعي ثروتلري کيمي قئيده آلينيب. ايندي بو آدالارين بير چوخو قورولوغا ياپيشيب. بو آدالاردا بير چوخ نادير و نسلي توکنمکده اولان حيوانلار ياشايير. گؤلون قوروماسي بو حيوانلاريندا نسلي نين توکنمه سينه سبب اولا بيلر.
سون 13 ايلده گؤلون سويونون سويييه سي 6 متر آزاليب و گؤلون اراضيسي نين 250 مين هکتارليق حيصه سي قوراقليغا چئوريليب. موجود پروسئس دوام ائتسه بؤلگه ده کي نورمال هاوا شرايطي دييشه رک ايستي و دوزلو کولکلرله موشاييعت اولان هاوا شراييطينه چئوريله جک. بو ايسه بؤلگه اوچون جيددي فلاکت معناسينا گلير.
اورمو گؤلونون قوروماسينا گتيرن سببلردن ان اساسي بو گؤله تؤکولن چايلارين سولاري نين قارشيسيندا تيکيلن بندلر و چاي سولارين یوزده 90-نين گؤله تؤکولمه مه سيدير. ایسلامی ایران جمهوریتی دؤولتي نين سهو سيياستلري نتيجه سينده بؤلگه ده اولان بوتون چايلارين اوزرينده بندلر تيکيليب. بو ايسه چاي سولارين گؤله تؤکولمه سينه مانع اولور. ديگر طرفدن سون ايللرين قوراقليق کئچمه سيده بونون سببلريندن بيري کيمي قئيد ائديلير. آما بونو سياسي سببلريندن بيري ده او اولا بيلر کي، بؤلگه ده ياشايان آذربايجان خالقي الوئريشلي تورپاقلار حسابينا اؤز ماددي و ايقتيصادي دورومونو ياخشيلاشديريب و ايندييه قدر ايقتيصادي باخيمدان مرکزدن تام آسيلي اولماييب. بو بؤلگه نين اکوسيستمي دييشديگي تقديرده اهالي ايقتيصادي باخيمدان تام مرکزدن آسيلي وضعيته دوشه بيلر. بو ايسه آسيميلاسيون سيياستيني تئزلشديره بيلر.
Hiç yorum yok:
Yorum Gönder