سس قوپدو اویان یاتما داها بیرده آمان دیر
خلقیم ازیلیب اؤلکه بوغولموش نئجه قان دیر
مظلوم سسی فریاد اولاراق عرشه چکیلمیش
هئچ یئرده گؤرونمز بئله بیر ظولم یامان دیر
آزاده لر عشقیله اولوبدور وطن عصیان
حلقوم باغیریر ائللری بو سس اویادان دیر
اورموگؤلویانمیش کول اولوب قانه بویانمیش
قاندیر وطنیم ناله و حسرتله فغان دیر
بیتمز داها بو ناله و عصیان بو فغانلار
بو اؤلکه توتوب اود نئجه ظولماتدا یانان دیر
ملت سسی شیمشک کیمی هئی گؤیلره دولدو
خلقیم ازیلیب اؤلکه بوغولموش نئجه قان دیر
مظلوم سسی فریاد اولاراق عرشه چکیلمیش
هئچ یئرده گؤرونمز بئله بیر ظولم یامان دیر
آزاده لر عشقیله اولوبدور وطن عصیان
حلقوم باغیریر ائللری بو سس اویادان دیر
اورموگؤلویانمیش کول اولوب قانه بویانمیش
قاندیر وطنیم ناله و حسرتله فغان دیر
بیتمز داها بو ناله و عصیان بو فغانلار
بو اؤلکه توتوب اود نئجه ظولماتدا یانان دیر
ملت سسی شیمشک کیمی هئی گؤیلره دولدو
دای قالمادی هئچ تاب وتوان حالی نه سان دیر
آسفالت سسه گلمیش داها یول قالمادی آرتیق
آددیم سسی بو شهره دولان قهر زامان دیر
اولموش یوموروق باخ ساوالان تک نئجه اللر
آزادلیق اولوب عشق ازل دیلده بیان دیر
یوخ اولسا وطن قالماز اثر ائل اوبادان دای
بو اؤلکه نگؤر جان ائوینه همده کی جان دیر
ظولمات بوروموش خلقی نگؤرداردا قالارکن
سس وئرسسینه غارت اولوب اؤلکه تالان دیر
تسلیم اولا بیلمز بو وطن ولکانا دؤنموش
بو خلق دماوند سهند هم ساوالان دیر
آذر ائلی یاتماز دایانیب قول قولا مللت
اود پارچاسی عصیان سسی دونیایه عیان دیر
سس گلدی کی بابکلره یول وئر کی بو خلقین
عالمده گؤرور باغ و باهاری نه خزان دیر
اؤلمز وطنیم هم ساوالان همده سهندیم
بو خلق اوجا داغ کیمی تاریخده قالان دیر
مین ایل بو داوام تاریخ عصیاندا بولونموش
قالخار گینه اولدوزلارا بو نعره فغان دیر
سر کرده هجر همده نیگارلا چاپاراق آت
سس وئردی کوراوغلو ائلینه آرخا دوران دیر
دئوریم سسیدیر صف قاباقیندا کی قادینلار
مللت جوشاراق سئل کیمی میداندا روان دیر
شیمشک اوزانیب سانکی یازارکن بیرخورداد
بو کوتلوی طغیان نئجه مشهور جهان دیر
چون شدده چیخیبدیرداها ظولمات یاتان اولماز
توفان گؤتورراؤلکه نی گؤزیاشلاری قان دیر
ای دوشمان غدار چکیل چونکو بو اؤلکه
ایمه ز باش اگر ظالیمه خلقی قوجامان دیر
خلقین یوروشو گونکیمی آزادلیقا دوغرو
اوز توتسا اگر ظولماتا بیلکی جان آلان دیر
ققنوس کیمی پیغام ائله یک گل کی راسیسمه
بو خلق اگر یانسادا اوددان دوغولان دیر
فریاد چکیل یول قاباغیندان داها شیطان
ظن ائتمکی طغیانه دؤنن سئل قورتاران دیر
آزاده لر عشقیله وطن چون اولار آزاد
او صبح باهار گلسه اگر باغ جنان دیر
سس وئر سسیمه خلقیمه هم اؤلکمه قارداش
خوشدورگله جک صبح ظفر حکم زامان دیر
باغ یاندی باهار یاندی اولوب غنچه خجالت
اود توتو گولوستانباغی تبریز نه دومان دیر
ناکسلر اگر خلقه اولوبلار بئله دوشمان
خائن اولا بیر کس ائله مانقورد اولونان دیر
خورداد سسه گلمیش وطنیم سئل آخاجاقدیر
عصیان گوجو ولکانکیمی داغلاری یاران دیر
بیرلیک گوجو دیللرده اولوب گؤرنئجه فریاد
یاتمیشلاریدا بلکه بو توفان اویادان دیر
نامردلره بئل باغلادی هر کس گؤرر آخیر
پیس گونده دایانماز ائلینی گؤزدن آتان دیر
عیشرت یاشاییر ظالیمه باخ یاغ یاغین اوسته
یوخسول تیکه سی فقره دؤنرکن نه یاوان دیر
چاپدی وطنی مللتی تحقیر ائله ین یاد
بو اؤلکه آسیلمیش اونا بیر سانکی قازان دیر
تهران اولاراق مرکز قدرت و جنایت
مللتلره آلچاق باخاراق خلقی بوغان دیر
شهرین وسطینده آسیلیب گؤر نه جنازه
بو منظره اینسانی نگؤر درده سالان دیر
قورخو سالاراق ائللره چون وحشت دوران
بو اؤلکه قفس مللته زیندان قورولان دیر
ای باد صبا مژده گتیر صبح سحردن
ایللر بویو گؤزلر کی نگؤر یولدا دوران دیر
گون چیخسا حقیقت مئهین آلتیندا دایانماز
آزاده وطن مللته امید و گومان دیر
شیپور ظفر سسلدی آزادلیقی چوخدان
آزاد یاشایان خلق کی تاریخده قالان دیر
ققنوس کیمی پیغام ائله یک بیرده راسیسمه
بو خلق اگر یانسادا اوددان دوغولان دیر
عصیان اولا خلقیم داها ذللت بیتر آرتیق
ظالیملره منّت داها بو مللته مان دیر
اهریمن اگر ایران آدیلا تؤکه جک قان
اولسا اگر ایرانچیدا او قان سوموران دیر
ایران نئجه گؤر زیندان اولوب ظالیم الینده
اینسانلیقا مللتلره بو اؤلکه یامان دیر
شیاد تؤکور قان نئجه گؤر آللاه آدیلا
هر اؤلکه ستم اوسته قورولسا داغیلان دیر
ایللر بویو چون قان سوزولور ظالیم الیله
بو اؤلکه ده قانون سؤزو قانوندا یالان دیر
بیر خلق اگر کیملیگینه بیرده گوونسه
میدان رقابتده او مللت باجاران دیر
خلقیم داها ظولماتدا اویانمیش یاتا بیلمز
بو اؤلکه جهنم کیمی وحشتلی مکان دیر
یوخ اینسانا حؤرمت داها یالتاقلار الیندن
ناکسلره اینسان سؤزوده سانکی خوخان دیر
اس ای گیلاوارحزنه دؤنوب باغ و باهاریم
داغلارتوتولوب چنلی بئلیم گؤرنه بوران دیر
سولدو چیچگیم همده گولستان اوزون ایللر
یوز ایلده بو محنت عجبا عؤمرو یوران دیر
قالماز داها بو حسرت و هیجراندا کی خلقیم
اؤز دوغما آنا یوردونا چوخدان قوووشان دیر
گل ال اله وئر قوی کی شهر لرزیه گلسین
آیری قالا بیر کس اگر ائلدن بوغولان دیر
سوسماقلا داها اولمایاجاق اؤلکه سعادت
فریادا گلن ائل گینه دوشمانی قووان دیر
بیر یاد ائله آرتیق ائده بیلمز کی وکالت
هر خلق اؤزو طالعینی بیرده یازان دیر
هیچ کاخ ستم عصیانا قارشی قالا بیلمز
طوفان قاباقیندا سئل آخارکن اووولان دیر
فرمان ستم باسقی سالیب چونکو بو خلقه
بو اؤلکه ده یوزایلدیکی خوشلوق قاداغان دیر
دیللرکسیلیب قان سوزره ک چون بو وطنده
قانون آدینا اؤلکه جهنم خفقان دیر
گولزار وطن ماتم اولوبدور هانی بولبول
نغمه یئرینه سس کی ائشیتدیم چالاغان دیر
پروانه گئدیب چونکو صبا تک داها گولدن
بیگانه سؤکور باغچالاری سانکی قابان دیر
نیفرت نفسی کول کیمی یاخمیش بو دیاری
خنجرکیمی زهری نئجه قلبه سوخولان دیر
ویران اولونور چونکو وطن یادلار الیله
غاصیبلره بو اؤلکه ده ثروت نه کالان دیر
اسرار جنایت ابدی پرده ده قالماز
بو هر کسه آیدین نکی بو راز نهان دیر
مانقورد سوساراق ظالیمه تعظیم ائله ییرکی
سانکی وطنه همده ائله صاحیب اولان دیر
آزادلیقی ایستر دی ملیجک آقاسیندان
سانکی بئله ایش ظالیم الیله یاپیلان دیر
باطیل فیکیری ساخلادی ذهنینده کی ایللر
ظن ائتدی کی بیرگون بوهدفله اوجالان دیر
آزادلیقی بیر کس گتیریب پایلاماز حالوا
آزادلیق اگر حققیدی خلقین آلینان دیر
آسوده یاتان بحر خیالیندا نه حاصیل
آزادلیقا لایق گؤرونن ده آییلان دیر
گرداب اجل توتموش اگر اؤلکه نی گرگین
امید کی باهارصبحیده بیر گون آچیلان دیر
آفاق امید یایدی بو حسسی گینه قلبه
او صبح باهار جمله جهاندا ساچیلان دیر
بو یولدا اگر انتظار اولموش داها گؤزلر
آزادلیقی سسلر کی باهاری یاراشان دیر
ظولمات اگرهم حاکیم اولوبدور کی بو خلقه
یازلار نفسی اسسه بو اؤلکه بارینان دیر
آزادلیقی چون چکدی دارا قهر جهالت
قالماز ابدی جهل و جنایت ییخیلان دیر
قهار شریعت اگر اولموش داها زیندان
اعمال جنایتله کی ظولمه چالیشان دیر
تدبیر خزان چکدی اگر کی گوله شمشیر
ظن ائتدی که عالمده بوتون لاله سولان دیر
ای صبح سحر هاردا قالبسان مگر ایللر
گلکی بو خزان گؤرنئجه بستانی یولان دیر
سؤیله داها یئللرده قارانلیق بونو دویسون
ظن ائتمه قار آلتیندا چیچکلرده دونان دیر
هر ال کی خیانت کیمی خلقه قنیم اولسا
مللت قاباقیندا بئله ال لر قیریلان دیر
همت گوجو ائللرده اولوب گؤر نئجه فریاد
بو سس داها قافیللری حتتا اویادان دیر
ترپنسه اگرسئل گوجوتک ائل داها بیرگون
دوشمان قاباقیندا کی بو دریا دایانان دیر
قالماز داها مللت ستم آلتیندا کی ایللر
اؤز کیملیگینه صاحیب اولاندا یاشایان دیر
خلقیم بیر اولوب بیرلیگی آماج ائله یر کن
بو اؤلکه ده سوسماق و داغیلماقدا زیان دیر
بسدیر داها بیگانه لره بیرده گوونمک
پیس گونده سنه حمله چکیب دوستو آتان دیر
بئل باغلاسا ناکسلره بیر کس داها بیلسین
اؤز خلقینی آتماق اونو یاددان چیخادان دیر
چوخ بکلمه وئرمز سنه تهران داها بیر ذات
ظن ائتمه کی بوسسلری او بیرده دویان دیر
او سیستم اگر قان آخیدیر اؤلکه ده ایللر
اومما داها یاردیم کی او ماهیت همان دیر
آزادلیقا خلقین هوسی چیخدی عیاردان
بو اؤلکه نی یازلار هوسی عشقه سالان دیر
قیزلار و ایگیدلر سسی دریا کیمی جوشدو
ای دوشمان غدار بو سئل ریشه قازان دیر
دیل باغلی نفس باغلی وطن زیندانا دؤنموش
بیلسین داها ظالیم کی بو زنجیر قیریلان دیر
آسوده دایانماز وطنیم توتسا فلاکت
بو نازلی وطن ظولمات الیندن قورونان دیر
ای صبح سحر بکله دی خلقیم سنی ایللر
بس هاردا قالیبسان کی بو گؤزلر نیگران دیر
آزادلیقا جان وئردی وطن چاتلادی صبری
ایستراو باهارین کی اونا روح و روان دیر
(1390)
Hiç yorum yok:
Yorum Gönder