گلن ايلين يانواريندا (ژانویه سینده) داها اوچ سويداشيميزين محکمه سي کئچيريله جک

خالق جبهه سی: گونئي آذربايجان ميللي حرکاتي نين فعاللاري، تبريزين  "تراختور"  فوتبول کومانداسي نين (تیمی نین) آزارکئشلري (طرفدارلاری) محمد علي مرادي و عبدوالله صدوقي، عئيني زاماندا مطبعه (چاپخانا) موديري علي عافيت محکمه قارشيسينا چيخاجاقلار. سويداشلاريميزين ايشينه 2011-جو ايل يانوارين 2-ده تبريز اينقيلاب محکمه سينده باخيلاجاق. محمد علي مرادي و عبدوالله صدوقي "تراختور"  فوتبول کومانداسيني تبليغ ائدن ايجازه لي آفيشالاري (پوسترلری) آذربايجان تورکجه سينده چاپ ائتديکلرينه گؤره کئچن ايل ايران تهلوکه سيزليک قوه لري طرفيندن حبس اولونوبلار.

محمد علي مرادي 13 گون، عبدوالله صدوقي 52 گون حبسده قالديقدان سونرا 20 مين دوللارليق (20 ميليون تومن) مولک گيرووو (وثیقه) قارشيليغيندا آزادليغا بوراخيليبلار. عئيني زاماندا، علي عافيت 10 گون حبسده قالديقدان سونرا مولک گيرووو قارشيليغيندا سربست بوراخيليب. اونلارين ايتيهاملاري سيستئمين علئيهينه تبليغات آپارماق و اؤلکه نين تهلوکه سيزليگيني پوزماغا جهد گؤسترمکدن عيبارتدير.