«آفی- آذربایجان فئدئراسیونو ایسوئچ» يئني ايل بايرامي موناسيبتينه يايينلاديغي اعلان دا میللی بیرلیگیمیزین داهادا یوکسلمه‌سی اوچون ایشبیرلیگی ائتمه‌یه حاضر اولدوغونو بيلديردي.
بايرام قوتلامالاري باشليغي آلتيندا يايينلانان اعلان دا بئله دئييلير:
«آفی-آذربایجان فئدئراسیونو ایسوئچ دونیانین هر یئرینده یاشایان بوتون سویداش‌لاریمیزی قارشی‌دان گلن باهار و اوغوز بایرامی موناسیبتیله اورک‌دن قوتلاییر و گله‌جک ایلده بوتون میللتیمیزه اوغورلار و باشاری‌لار دیلییر.
بو ایلده کئچمیش ایللرده اولدوغو کیمی باهار بایرامی موناسیبتیله ایسوئچین موختلیف شهرلرینده جان‌لی آذربایجان کونسئرت‌لری وئریله‌جک‌دیر.
بو گون 19.03.2011 تاریخینده ایستوکهولم شهرینده آذربایجان سسی رادیوسو تشکیلاتچی‌لیغی ایله مؤحتشم کونسئرت و بایراما اؤزل شن‌لیک مراسیمی کئچیریله‌جک‌دیر.
بو کونسئرته قوزئی آذربایجان‌دان 3 اوخویان دعوت اولونوب‌لار.
آرتیریلما‌لی‌دیر کی صاباح 20.03.2011 تاریخینده ایسه مالمؤ شهرینده آفی-آذربایجان فئدئراسیونو ایسوئچ و واحید آذربایجان درنئیی تششببوثو ایله داها بیر کونسئرت و شن‌لیک کئچیریله‌جک‌دیر.
سوندا آفی اولا‌راق بیر داها میللتیمیزین بو عزیز بایرامین قوتلاییر و اؤنوموزدکی ایلده میللی بیرلیگیمیزین داهادا یوکسلمه‌سی اوچون ایشبیرلیگی ائتمه‌یه حاضر اولدوغوموزو اعلان ائدیریک.»
Hiç yorum yok:
Yorum Gönder