ای یو تی اؤیرنجی: بیناب آزاد بیلیم یوردونوندا تورک دیلینده یایینلانان «سوز» درگیسینین نشرینه قاداغا قویولوب. آذر اؤیرنجی وئبلاقینین وئردیگی خبره گؤره بو درگی بیلیم یوردون تکجه تورکجه درگیسی ایدی.
قئید ائتمک لازیمدیر کی گونئی آذربایجانلی اؤیرنجی لر ایران بیلیم یوردلارینین هامیسیندا، بونا اوخشار سیخینتی لارا معروض قالماقدادیرلار. نظره گلن رئژیم بو تضییق لرله، آذربایجان میللی حرکتینین آپاریجی قوللاریندان حئساب اولونان اؤیرنجی حرکتینی ضعیف لندیرمک ایسته ییر.
بوتون بو تضییق لره رغمن بیلیم یوردلاریندا درگی یایینلاما یاساغی ایله اوزله شن آذربایجانلی اؤیرنجی لر، اؤز فعالیت لری نین بیر حیصه سینی سانال (مجازی) فضادا داوام ائتدیریلر.
Hiç yorum yok:
Yorum Gönder