شرفلي آذربايجان تورک میللتي
80 ايلدن آرتيقدير کي گونئي آذربايجان ايران حؤکومتي نين شووينيستي سياستلري و باسقيلارينا معروض قالماقدادير. بو سوره ده ايسه بير نئچه دفعه بو سياستلره قارشي آياغا قالخميشدير. بوتون بو چتينليکلره باخماياراق چاغداش آذربايجان ميللي حرکتي مدني و دئموکراتيک يؤنتملردن فايدالاناراق میللی حاقلاريميزين الده ائديلمه سي يؤنونده بؤيوک اوغورلار قازانميشدير. بو گليشمه لر و اوغورلارا قارشي دورماق ايسته ين شووينيست حاکيميت گونو-گوندن آرتيق حرکتيميزه داها آغير باسقيلار اويقولاماقدادير.
بيلديگينيز کيمي حاکيميت سون زامانلاردا ميللي فعاللاري توپلو شکيلده توتوقلاياراق، اوزون مودت تک آدامليق سلوللاردا آغير ايشکنجه لر آلتيندا حبس ائتميشدير. ايندي ايسه اساسسيز ايتيهاملارا داياناراق محکمه کئچيرمه يه حاضيرلاشير.
بيز تئهران بيليم يوردلاري نين تورک اؤيرنجيلري بو حساس دؤنمده میللتيميزه قارشي يورودولن چيرکين سياستلري قيناياراق:
1- اساسسيز ايتيهاملار اوزرينده قورولاجاق 12 ميللي فعالين (پینار فرج زاده، اکبر آزاد، بهبود قلی زاده، علیرضا عبدالهی، آیدین خواجه ای، محمود فضلی، حیدر کریمی، یونس سلیمانی، نعیم احمدی، شکرالله قهرمانی فرد، شهرام رادمهر، حسن رحیمی بیات) محکمه سورجينه اعتيراضيميزي بيلديريريک.
2- حبسده اولان باشقا فعاللاريميزين (يوروش مهرعلي بگلو، لطيف حسني، سعيد متين پور، حسين نصيري و ...) قئيد-شرطسيز آزادليغا بوراخيلمالاريني ايسته ييريک.
3- بو دورومدا آذربايجان میللتيني بيرليگه دعوت ائده رک اؤز بالالارينا صاحيب چيخمالاريني ديله ييريک.
4- آذربايجان میللی حرکتي نين فعاللاريني اؤزلليکله خاريجده کي شخصلر و قوروملاريميزي تشکيلاتي ماراقلاريندان آسيلي اولماياراق بو قونودا داها مسئوليتلي داورانماغا چاغيريريق.
5- بوتون بشر حاقلاري قوروملاريني آذربايجان ميللي فعاللاري و سياسي توتوقلولاري حاقدا داها آکتيو اولماغا دعوت ائديريک.
گله جک بيزيمدير!
تئهران، اميرکبير، خواجه نصير، علم و صنعت، شهید بهشتي، تربيت مدرس و شريف بيليم يوردلاري نين تورک اؤيرنجيلري
1389.10.09
Hiç yorum yok:
Yorum Gönder