 |
| ای یو تی اؤیرنجی |
ايران حاکيميتي آذربايجانين دوغرو سسيني دونيايا چاتديرماق ايسته ين مئديا آراجلارينا اؤز تضييقلري آرتيريب. بئله کي سون گونلرده آذربايجان ميللي حرکتي ايچريسينده فعاليت گؤسترن بير نئچه سايت و وئبلاقين ايستيفاده سينه قاداغا قويولوب. رئژيمين قاداغاسينا معروض قالان سون وئبلاق ايسه بيزيم وئبلاق اولدو.
اميرکبير بيلي يوردونون تورک اؤيرنجيلري نين وئبلاقي اولان ای یو تی اؤيرنجي (AUT = Amirkabir University of Technology)، ايکي ايلدن آرتيقدير کي بيلي يوردون بير سيرا کئچميش و اينديکي اؤيرنجي فعاللاري نين امگي ايله آذربايجان ميللي حرکتي و آذربايجان اؤيرنجي حرکتي حاقدا خبرلر و آراشديرمالاري، بيلگي و مئديا سيخينتيسيندا ياشايان توپلوموزا چاتديرماغا چاليشيبدير. اؤز فعاليتيني گليشديرمه يه چاليشان وئبلاق سون زامانلاردا اعتيبارلي خبر قايناقلاري دان بيرينه چئوريلميشدي. ائله بو سببلر اوزوندن حاکيميت طرفيندن فيلتئر ائديلدي.
بوتون بونلارا باخماياراق بيز فعاليتيميزي دايانديرماياجاغيق. حاکيميت بئله عمللري بيزي يولوموزدان قاييتماغا مجبور ائتميه جک هئچ، بلکه آماجيميزا اولان ايناميميزين داها مؤحکملشمه سينه يارديم ائده جک. بئله ليکله ان قيسسا مودتده يئني بير وئبلاق ياراداراق فعاليتلريميزي داوام ائتديره جه یيک. يئني آدرئسيميزي ايسه گلن گونلرده آچيقلاياجاغيق.
گله جک بيزيمدير
Hiç yorum yok:
Yorum Gönder